Tr. Sunil Salunkhe

वडील शेतकरी असल्यामुळे घरची परिस्थिती गरिबीची होती अभ्यासाशिवाय आपल्याला पर्याय नाही हे तेव्हा पासूनच माहित होते त्यामुळे शेताची कामे करून अभ्यासाकडे लक्ष दिले. ग्रॅज्युएशन डिस्टिंक्शन मध्ये झाले, बीए फर्स्ट क्लास मध्ये झाले परंतु नोकरी शोधत असताना खूप त्रास व्हायचा माझ्या गावामध्ये एक शिक्षण संस्था होती तिथे काही शिक्षक पद भरायची होती तेव्हा मी ही त्या ठिकाणी मुलाखतीसाठी गेलो परंतु एकाच वेळेला मी आणि माझा मित्र इंटरव्यूसाठी गेलो होतो त्याचे वडील गावचे पुढारी होते त्यामुळे त्याला कमी मार्क असूनही तिथे ते पद मिळाले. इथूनच जाहिराती बघणे, नोकरीसाठी वणवण सुरू झाली आणि ज्या गावांमध्ये आज मी 23 वर्ष शिक्षकीपेशा मध्ये नोकरी करतोय त्या गावांमध्ये पहिल्याच इंटरव्यू मध्ये मला नोकरी मिळाली आणि तिथून शीर महालक्ष्मी या गावाचे आणि माझे ऋणानुबंध जुळले. 1999 ते 2003 पर्यंत विनाअनुदानित शाळे वरती काम केले परंतू जिद्द आणि चिकाटी याच आधारे कुठेच कमी पडायचे नाही असे ठरवले आणि सतत शाळेचा निकाल शंभर टक्के दिला.