Topic: These tips are useful to reduce the stress of the exam
पुढील काही महिने विद्यार्थ्यांसाठी परीक्षेचा काळ असू शकतो. कारण आता लवकरच सर्व शाळा, कॉलेजमध्ये परीक्षा सुरु होतील. परीक्षेचा काळ विद्यार्थ्यांसाठी खूप तणावपूर्ण असतो. परीक्षांव्यतिरिक्त, परफॉर्मेंस ची अपेक्षा, डेडलाइन, कामाचा ताण या सर्व गोष्टी घटक तणाव निर्माण करू शकतात.
तुम्ही ही जर कोणत्या परीक्षेची तयारी करत असाल, तर असे काही मार्ग आहेत ज्याद्वारे तुम्ही परीक्षेशी संबंधित ताण कमी करू शकता. आज आपण परीक्षेची भीती कमी करणाऱ्या तणाव व्यवस्थापनाच्या टिप्स जाणून घेणार आहोत.
दररोज अभ्यास करा: तणावावर मात करण्यासाठी, विद्यार्थ्यांनी त्यांच्या शालेय शिक्षण, असाइनमेंट आणि कोर्सवर्कमध्ये अव्वल राहणे महत्त्वाचे आहे. आगामी परीक्षा नसतानाही त्यांनी अभ्यासावर लक्ष केंद्रित केले पाहिजे आणि अभ्यासाचा वेळ त्यांच्या दैनंदिन वेळापत्रकाचा भाग बनवावा. त्यांचा अभ्यासाचा योग्य टाइमटेबल असल पाहिजे आणि त्यांनी त्याचे पालन केले पाहिजे.
वेळ व्यवस्थापित करा: विद्यार्थ्यांनी वेळेचे योग्य व्यवस्थापन कसे करावे हे देखील शिकले पाहिजे. तणावमुक्त जीवन जगण्यासाठी त्यांनी वेळ व्यवस्थापनाचे तंत्र अवलंबले पाहिजे.अनेक विद्यार्थी त्यांच्या अभ्यासात, शैक्षणिक कामात किंवा इतर कामांमध्ये उशीर करतात, ज्यामुळे कामाचा ढीग पडतो आणि त्यांच्यावरील ओझे/तणाव वाढतो. त्यामुळे अनावश्यक ताण टाळण्यासाठी सर्व कामे वेळेवर पूर्ण करावीत.
ध्यान ( Meditation) करा: तणावापासून दूर राहण्यासाठी विद्यार्थ्यांनी ध्यानधारणा करावी. यामुळे त्यांचे लक्ष केंद्रित करणे वाढते. आणि ते कोणतेही काम कोणत्याही तणावाशिवाय आरामात पूर्ण करू शकतात. त्यांना हवे असल्यास त्यांच्या आवडत्या छंदासाठी थोडा वेळ काढून ते तणावमुक्त राहू शकतात.
पुरेशी झोप घ्या, निरोगी अन्न खा : विद्यार्थ्यांनी याकडे देखील लक्ष दिले पाहिजे की ते निरोगी दिनचर्या पाळत आहेत. तणाव कमी करण्यासाठी त्यांना पुरेशी विश्रांती मिळाली पाहिजे. तुम्ही दररोज किमान 6-7 तास झोपले पाहिजे. सकस अन्न खाल्ले पाहिजे आणि जंक फूडपासून शक्यतो दूर राहिले पाहिजे.
कुटुंब किंवा मित्रांसह वेळ घालवा:अभ्यास करताना जर तुम्हाला खूप ताण वाटत असेल, तर तुम्ही ज्याच्यावर विश्वास ठेवता अशा व्यक्तीशी बोलून तणाव कमी करा. आतून तणाव निर्माण करण्यापेक्षा आपले विचार बाहेर येऊ देणे चांगले. कधीकधी, कुटुंब किंवा मित्रांसोबत वेळ घालवणे तणाव पातळी कमी करण्यास उपयुक्त ठरते.